Që prej të shtunës së 18 nëntorit ka filluar nata në Utqiagvik, një qytet në skajin verior të Alaskës, përtej Rrethit Arktik. Dielli perëndoi në orën 13:37 dhe nuk do të ngrihet më mbi horizont deri më 23 janar 2024.
Qyteti është shtëpia e më shumë se 4,000 njerëzve dhe do të fillojë periudhën prej rreth 67 ditësh të errësirës, e njohur si nata polare. Në fakt, verat janë të shkurtra dhe të freskëta me maksimum 15 °C. Dimri është i gjatë dhe i ashpër me temperatura gjithmonë nën -25 °C dhe maksimum -45 °C. Rekordi në Utqia?vik është -54 °C.
Nata polare është ajo kohë e vitit kur dielli nuk lind kurrë. Ndodh në vendet përtej Rrethit Arktik, por me intensitet dhe kohëzgjatje të ndryshme në varësi të distancës. Sa më afër të jeni me “vijën” e Rrethit Arktik, pra në jug, aq më pak intensive do të jetë nata polare (sepse ju largoheni nga Poli i Veriut) dhe aq më e shkurtër do të jetë.
Prandaj, sa më shumë i afrohemi Polit, aq më shumë ndryshon kohëzgjatja dhe intensiteti i natës polare, duke arritur kulmin e saj pikërisht në Pol.