Tirana është një prej 3 ekipeve shqiptare që do të luajnë në Conference league. Bardheblutë do të sfidojnë Torpedo Kutaisin më 11 korrik në orën 19:00.
Duel ky që do të luhet në transfertë në stadiumin “Stadion Ramaz Shengelia”. Sfidë kjo shumë e rëndësishme për kryeqytetasit, të cilët prej ditësh kanë zhvilluar intesivisht përgatitjet.
Bledi Shkëmbi ka parë nga afër të gjithë lojtarët dhe gjendjen e tyre, ndërsa stadi ka bërë gati planin e udhëtimit për në Gjeorgji. Pas seancës së parë stërvitore, klubi i Tiranës ka festuar ditëlindjen e 28-të të Fjoart Jonuzit. Një atmosferë pozitive në prag të një takimit shumë të rëndësishëm për të ardhmen europiane.