Pesë ndeshje, pesë fitore, ky është bilanci i Vllaznisë në pesë takimet radhazi në Kategorinë Superiore. E pesta, ose në mund ta themi e gjashta në shtatë ndeshjet e fundit, u regjistrua në ballafaqimin e transfertës ndaj ekipit shijakas, Erzeni. Është një moment i mirë për Vllazninë, por drejtuesit nuk kërkojnë ti lënë asgjë rastësisë.
Në orët e fundit, Vllaznia ka përpiluar një rregullore të brendshme, ku lojtarët mund të gjobiten, nëse vonohen në stërvitje, e deri te zilja e telefonit gjatë analizës së klubit. Një rregullore që mban skuadrën të karikuar për të mos gabuar në asgjë.