Të enjten në orën 20:45, Tirana do të presë Beshiktash në një mision shumë të vështirë, të kthejë në favor disavantazhin e ndeshjes së parë të luajtur në Stamboll. Bardheblutë po rikuperojnë energjitë për sfidën e “Arenës Kombëtare” ku pritet të ketë një prani të madhe të tifozëve për shkak të peshës së rëndë që ka skuadra rivale, e cila triumfoi 3-1 në pjesën e parë të duelit të dyfishtë.
Si për t’i dhënë rëndësinë e duhur kësaj sfide, UEFA ka caktuar një arbitër me nivel të lartë. Bëhet fjalë për anglezin Stuart Attwell i cili do të ketë ndihmën e Hatzidakis, Davies dhe Jphn Brooks arbitër i katërt. 40-vjeçari Attwell është pajisur me licëncën FIFA që prej vitit 2009, ndërsa prej shumë vitesh drejton ndeshje të rëndësishme në Premier League me 182 ndeshje .
Për herë të fundit një skuadër shqiptare që ka drejtuar ai ishte viti 2019 në Bruksel ku Laçi sfidoi skuadrën e Anderlecht. Në 25 maj ai beri drejtësi në supersfidën e Premier League mes Manchster United dhe Chelseat, ndërsa konsiderohet si një nga gjyqtarët më të mirë të ishullit.